Close
Nave hjort- og lamafarm
VELKOMEN TIL NAVE HJORTEFARM
På hjortefarmen på Nave kan du oppleve hjort, lama, geiter og hundar på nært hald og få delta på fôringa.
Vi har alltid vore fascinerte av hjorten og har jakta villhjort sidan vi var 15 år. Ideen om å starte hjortefarm kom etter besøk på andre hjortefarmar – tanken på å oppleve hjorten på nært hald og utnytte garden sine ressursar var fristande.
Etter kvart kom fleire dyr til. Lamaene kom heilt tilfeldig, medan geiter har vi hatt tidlegare. Hundar har alltid vore ein del av livet vårt, og vi har òg hatt esel og ponnier.
Opplev dyra, utforsk naturen og bli med på spanande aktivitetar!
To søndagar i fellesferien har vi open gard. Besøkande kan helse på dyra, mate dei og prøve SUP, kano, trøbåt eller robåt på Navevatnet. Ved grillhytta er det servering av kaffi og nysteikte sveler.
Vi tilbyr omvising og fôring av dyr for grupper, cruiseturistar og andre. SFO, barnehagar, 4H, pensjonistgrupper, familiar og enkeltpersonar er velkomne. Datoar og tidspunkt for open gard blir annonsert på Facebook og heimesida.
Vi arrangerer utdrikningslag, blåturar, bursdagar og andre arrangement. I tillegg til servering av lokale spesialitetar kan vi tilby paintball for grupper. Ta kontakt for informasjon og pristilbod.
Følg hjortane, lamaene, esla, hundane og andre firbeinte som bur på Nave, minutt for minutt.
